Fotoqrammetriya
Fotoqrammetriya - Obyektlərin fototəsviri üzrə onların formasını, ölçüsünü, vəziyyətini və digər xarakteristikalarını təyin edən elmi-texniki fənndir. Fotoqammetriyanın iki əsas istiqaməti var: şəkillər üzrə Yer kürəsinin (və digər kosmik obyektlərin) xəritə və planlarının yaradılması, və memarlıq, tikinti, tibb, kriminalistika və s. tətbiqi məsələlərinin həlli.
Fotoqrammetriyanın tətbiq sahələri
Kartoqrafiya istehsalı, torpaqların kadastr uçotu: topoqrafik xəritələrinin yaradılması və yenilənməsi, kadastr xəritələrinin və planların topoqrafiya əsaslarının yaradılması.
Meşə təsərrüfatı: Meşə reyestrinin aparılması üçün xəritələrin yaradılması və yenilənməsi və s.
Kənd təsərrüfatı: Kənd təsərrüfatı sahələrinin inventarlaşdırılması, əkin sahələrinin qiymətləndirilməsi.
Geologiya: struktur geologiya məsələləri, geoloji proseslərin monitorinqi, geoloji tədqiqatlar və s.
Yanacaq-energetika sənayesi: yanacaq və enerjinin daşınmasının və hasilat obyektlərinin infrastrukturunun inkişafının inventarlaşdırılması, nəzarəti və planlaşdırılması üçün tematik xəritə və planların tərtib edilməsi.
Mühəndis tədqiqatları və layihələndirilmə: müxtəlif təyinatlı mühəndis obyektlərinin tədqiqatları, layihələndirilməsi, tikintisi və istismarı zamanı fotoqrammetrik işlərinin aparılması.
Regional və bələdiyyə idarəetməsi, ərazi planlaşdırılması və şəhərsalma: kartoqrafik materialların, sxemlərin, planların yaradılması və yenilənməsi, üçölçülü modelləşdirmə.
Ətraf mühitin mühafizəsi: Ətraf mühitin vəziyyətinə nəzarət, təhlükəli təbii hadisələrin və fövqəladə halların monitorinqi, FH-la mübarizənin səmərəli planlaşdırılması, fəsadların qiymətləndirilməsi.
Mədəni və təbii irsin qorunması: “Virtual irs”in mədəni və ya təbii obyektlərin rəqəmsal modelləri şəklində yaradılması.
09.07.2020
